Hakatooia tuhuka haina kakiu i he take tai i Hiva-Oa i Pihahu
Haavivinia tumu hana

Ua ite Philippe Penot i Hiva-Oa io he take tai o te vahi peauia Pihahu titahi tau kea ta’aiia i haahana ia oti e te poi avaika na po kakiu. Ua hakaite atu ia ta ia mea i koana i te tau tohuka hui take tai o te GRAN.

E koutee titahi tau tuhuka mei oto te pu GRAN no Porinetia i Hiva-Oa no te katoo i te taetae o tea puke kea atii no titahi tau tumu hana ke atu :

- te tatauia i te tau vahi me te haina kakiu e vai nei io he take tai o Porinetia Farani ;
- te tiohiia me te haaviviniia te tau vahi e puke a’a te tau kea mehe katau, mehe kea katoi ;
- te tapapaia tea tau kea ;
- te kaututoia e aha anei e tutahi te hakatu te take tai me te papa henua nia te kaokao.

E haapao te tau tuhuka i ta atou hana mei te po tekau ma ono no aoa tihe atu i te po onohuu ma tahi no Pohe. E katoi atou i te hatea o tea vahi, e tatau te nuiia kea me te haavivini atu i to atou hakatu, e patu te ata o te take tai, titahi e tiohi te hakatu te taha tai me te tau kaka’avai mahe kaokao.

I tomua atapu e uku atou, i te ua o te atapu e hana atou i uta io he henua ; mea a e huike oti ta atou papa tuhituhi mehe mea e oko te tai a koe a e oko te ua.

Oia nei te tau tuhuka e hee i Hiva-Oa :

•     Robert Veccella, oia te upuko hakatee o te GRAN e o tea tumu hana ;
•     Christane Dauphin. vehine hana io te pu o te Ha’a Enana me te Taetae Tupuna ;
•     Yann Hubert enana oomi ata i oto o te tai.
E tokoia atou i Hiva-Oa e Philippe Penot me titahi atu tau enana mi Hiva-Oa.

Mea nui te tau vahi he take tai me te tau haina kakiu i iteia i porineti farani ; mea a te ava i Moorea anaiho te vahi ta te GRAN i hano tiohi. I te keke me Tahiti mea tataeka tea tau vahi me te ava.

I te henua enana noatu ae he ava, e vai aa te nuiia haina io he take tai, oia ta te GRAN e kohoa haavivini no te aha.

Tau hoa hana :

	Hakateeia hau no te poihou, pu hana no te haaenana me te taetae titputna
	Te pu o te Ha’a Enana me te Taetae Tupuna
	Tiikahana Pacific Plastique
Na te Scuba Tek e toko nei te GRAN i Tahiti.

Na Eric Le Lyonnais e aahi te tau tuhuka i « Pihahu ».

Huiia tekao :
E’o peketane : Bertrand Devaux - Bertrand.devaux@mail.pf
E’o tahiti : A. M.
E’o enana : Duchek Antointte. Dupont Geraldine

Te tau enana e koaka e vava’o atu :
GRAN Tahiti : A tiohi atu i Robert Veccella - robert.veccella@archeonavale.org
Vava’o atu i te (689) 53 10 85
GRAN Farani : A tiohi atu i Max Guérout - granmax@archeonavale.org
Vava’o atu i te: 04 67 35 92 01 – 06 23 16 78 17
A tiohi atu i www.archeonavale.org ta Sébastien Eon ehaapao nei
A tiohi atu i te :sebastien.eon@archeonavale.org